Weihnachten-Forum.de

[xmas-Dream]

Diese Version entstand um 1530 in Hamburg

Maakt hooch de Döör, de Poort maakt wied!
Advent is dor, de hill'ge Tied.
En König kümmt un hett sik meldt:
de Heiland vun de ganze Welt;
de Heil un Leben mit sik bringt.
Nu freut ju all un kaamt un singt:
Löövt unsen Herrn un Gott!
Wo herrlich is sien Raad!

Wo herrlich is't in Stadt un Land,
wo düsse König is bekannt.
Wo glücklich is en Minschenhart,
wenn he uns' Herr un König ward.
He is de rechde Freudensünn,
bringt nix äs Segen un Gewinn.
Löövt unsen Herrn un Gott!
He trööst't uns fröh un laat.

Kumm, o mien Heiland Jesus Christ,
mien Hartensdöör wied aapen is!
O kumm mit all dien Gnaad herin
un bring uns hellen Sünnenschien.
Dien Geist, de geev uns dat Geleit
hen nah de ewig Seligkeit.
Dor bring wi, Gott un Herr,
di ewig Dank un Ehr!